Рома не игра според стандардите на Жозе Мурињо, па тренерот во јануарскиот преоден рок планира неколку засилувања и тоа повторно од Премиер-лигата.
Тој изминатото лето во Рим го доведе Тами Абрахам од Челси, а планира уште еден играч на „сините“. Се работи за Рубен Лофтус-Чик, кој во Челси нема голема минутажа. Во Рома Мурињо би му овозможил многу повеќе простор за игра.
Во актуелниот тим на „волчицата“ само еден играч од средниот ред е сигурен во првите 11, а тоа е капитенот Лоренцо Пелегрини. Останатите се и тоа како заменливи, па втор на листата на желби на Мурињо е Хери Винкс од Тотнхем.
Португалецот сака и нов десен бек на местото на Рик Карсдорп и за оваа позиција го „мерка“ Диого Далот од Манчестер јунајтед. Младиот Португалец лани беше на позајмица во Милан и одигра одлична сезона, а сега во Манчестер повторно нема никаква минутажа.
Рома во летниот преоден рок потроши 90 милиони евра на нови играчи, а во јануари повторно ќе треба да потроши мало богатство за да ги доведе овие тројца играчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА