Екипите кои се натпреваруваат во двете втори фудбалски лиги на Македонија испратија барање до Владата во кое се бара да им биде доделена финансиска помош за наредниот период. Фудбалската сезона е во прекин и се уште нема најава кога натпреварувањето би можело да продолжи, а второлигашите се жалат дека без државна помош тешко дека ќе успеат да ја завршат годинава.
На иницијативата се потпишани десетте екипи од Втората лига – исток, како и седум екипи од Втората лига – запад.
„Фудбалските клубови се на аматерска основа и не остваруваме никакви приходи по ниту еден основ, единствен приход се донации, кои сега се поврзани со добивањето на ваучер и спонзорства, кои од воведувањето на ваучерите се нула. Во овој момент се соочуваме со ситуација да не може да ги реализираме ваучерите, ниту да добиеме спонзорства од компаниите, а трошоците останаа исти, се однесуваат на личен доход за многу малку лица и хонорари, како единствен начин за финансирање на фудбалерите и останатите лица ангажирани во клубот“, се вели во соопштението на фудбалските второлигаши.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
