Германскиот селектор Кристијан Прокоп веднаш по втората победа на контролните средби со Исланд го објави и конечниот список од 16 ракометари на чии услуги ќе смета за претстојното ЕП во Хрватска, на кое Германците за ривал во групата Ц ќе ја имаат и селекцијата на Македонија.
Изненадувачки, на неговиот список го немаше Руне Дамке од Кил, па како единствено лево крило Прокоп го има Уве Генсхајмер.
Покрај Дамке, германскиот селектор ги отпиша и Фабијан Вајде и Фин Лемке, тројцата ракометари кои беа дел од шампионскиот тим пред две години во Полска.
„Морав да изберам 16 ракометари, изборот беше исклучително тежок. Европското Првенство е долго и би можеле да направиме неколку измени во текот на шампионатот“ – истакна Прокоп.
СОСТАВ ГЕРМАНИЈА:
Голмани: Силвио Хајневетер (Фуксе Берлин), Андреас Волф (Кил)
Лево крило: Уве Генсхајмер (ПСЖ)
Лев бек: Максимилијан Јанке (Лајпциг), Џулиус Кун (Мелсунген), Пол Друкс (Фуксе Берлин).
Среден бек: Штефан Фет (Фуксе Берлин), Филип Вебер (Лајпциг).
Десен бек: Каи Хефнер (Хановер), Штефан Вајнхолд (Кил).
Десно крило: Патрик Грецки (Некар Левен), Тобијас Рајхман (Мелсунген).
Пивот: Јаник Колбахер (Вецлар), Патрик Винчек (Кил), Хендрик Пекелер (Некар Левен), Бастијан Рошек (Лајпциг).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА