Европскиот првак Германија игра импресивно пред стартот на новиот шампионат, откако во увертирата пред ЕП 2018 бранителите на трофејот го декласираа Исланд со убедливи 30-21.
Откако го добија првиот меч со 36-28, германските ракометари делуваа уште поимпресивно на денешниот дуел, доминирајќи во однос на селекцијата што нашиот национален тим ја имаше за ривал во претходниот квалификациски циклу. Во првото полувреме резултатот гласеше 13-8, а во вториот дел на голот на Германија застана Анреас Волф, додека селекторот Прокоп направи уште неколку рокади во тимот. Сепак, тоа не се одрази врз играта на актуелниот европски шампион, кој заслужено стигна до нова убедлива победа.
Само за потсетување, Германија ќе биде наш трет противник во групата Ц од ЕП во Загреб, меч што ќе го играме на 17 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
