Баерн ќе биде дополнително ослабен за утрешниот дуел со ПСЖ откако попладнево беше обелоденето дека Серж Гнабри мора да замине во самоизолација бидејќи е позитивен на коронавирус.
Германскиот репрезентативец настапи против Македонија во последниот од трите натпревари од мартовските квалификации, а по враќањето во клубот се пожалил на силни болки во грлото. Тренерот Флик на денешната прес-конференција објави дека Гнабри е неизвесен поради овие симптоми, за попладнево да биде обелоденето дека крилниот офанзивец добил позитивен резултат на тестирањето за коронавирус.
Гнабри ќе го пропушти и реваншот што ќе се игра по осум дена во Париз, што е уште еден огромен проблем за Флик по повредата на најдобриот стрелец Роберт Левандовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
