Српскиот тенисер, Новак Ѓоковиќ, на чуден начин обезбеди пласман во финалето на турнирот во Пекинг, неговиот противник Данил Медведев беше дисквалификуван бидејќи Русинот со топче погоди навивач на трибините, и на прес-конференцијата зборуваше за својата иднина.
Ѓоковиќ на новинарите во Пекинг им ги откри амбициите, тие се да настапи на Летните олимписки игри во Лос Анџелес кои треба да се одржат во 2028 година.
По победите над Александер Зверев и Данил Медведев во Пекинг, Ноак смета дека нема проблем да игра на највисоко ниво, туку грижи му создаваат физичките и здравствените проблеми со кои се мачи во последните месеци.
„Што се однесува до самата игра, таа не е далеку. Кога сум здрав докажав во последните години дека можам да ги победам најдобрите играчи, а тоа го докажав и оваа недела. Не сум загрижен за својата игра. Загрижен сум само поради физичките и здравствите проблеми на кои се обидувам да им влезам во „трагата“ и да ги решам. Се надевам дека наскоро ќе ги решам и тие проблеми, по што не гледам причина зошто да не играм на ЛОИ во Лос Анџелес“, изјави Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
