Ливерпул и Лидс одиграа извонредно прво полувреме на стартот од премиерлигашката сезона, по 45 минути игра резултатот гласи 3-2 во корист на актуелниот шампион на Англија.
Салах од пенал го доведе Ливерпул во водство, но Лидс експресно стигна до израмнување. Ван Дајк со прецизен удар со глава повторно донесе предност за „црвените“, но најдобриот светски дефанзивец се посрамоти на спротивната страна, откако со почетничка грешка му овозможи на Бамфорд лесно да го матира Алисон Бекер.
За Ливерпул да замине на одмор со предност се погрижи Салах, кој со својот втор гол, извонреден удар со волеј донесе трето водство на Ливерпул на овој интересен натпревар.
Bamford goal vs Liverpool (2-2) #LIVLEE pic.twitter.com/rPcYmyHHfC
— Football Goals (@FootballGoalss_) September 12, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
