Фудбалерите на Тиквеш извојуваа повеќе од значајна победа во битката за издвојување од последните позиции на табелата во Првата македонска фудбалска лига, триумфирајќи со 1-0 против АП Брера во 15. коло.
Низ еден рамноправен натпревар, кавадарчани заслужено дојдоа до победата искористувајќи ги своите моменти на мечот за да дојдат до посакуваните три бода.
На снежниот терен во Кавадарци, творец на победата на домашните беше Стоименовски во 71.минута со убавиот погодок со глава по нафрлањето од прекин од десната страна.
Претходно завршија натпреварите во Чаир и на комплексот на ФФМ во Скопје. Шкупи славеше против Македонија ЃП со 1-0, а Работнички ремизираше без голови со Гостивар.
ПМФЛ – 15. КОЛО
Скопје: ШКУПИ – МАКЕДОНИЈА ЃП 1-0
Младеновски 67′
Скопје: РАБОТНИЧКИ – ГОСТИВАР 0-0
Кавадарци: ТИКВЕШ – АП БРЕРА 1-0
Стоименовски 71′
ВЧЕРА
Штип: БРЕГАЛНИЦА – ШКЕНДИЈА 2-2
Велковски 54′, Ѓорѓиев 87′ – Елези 22′, Аганспахиќ 68′
ОДЛОЖЕНИ
Кратово: СИЛЕКС – ВАРДАР
Струга: СТРУГА ТЛ – ВОСКА СПОРТ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
