Германската Бундеслига ќе биде првата која ќе се врати по паузата поради пандемијата од коронавирусот. На тренинзи се вратија и Италијанците и Шпанците, додека Французите го прекинаа шампионатот.
Што се однесува до Англичаните јасно е дека сакаат сезоната да заврши на терен, бидејќи финансиските загуби ќе бидат многу големи. Сепак, настана нов проблем бидејќи три фудбалери на Брајтон се позитивни на тестовите за коронавирус.
„Тоа е голем проблем. За жал и покрај мерките ние имаме тројца заразени фудбалери во периодот во кој немавме никакви тренинзи“, изјави претседателот на управниот одбор на клубот, Пол Барбер.
Ова значи дека Премиер-лигата е далеку од своето враќање бидејќи ќе биде многу тешко со овие проблеми таа продолжи во блиска иднина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
