Кошаркарите на Гостивар остануваат единствената перфектна екипа во домашниот шампионат, откако во последниот меч од денешната понуда во 6. коло славеше на домашен терен против Струмица со убедливи 102-80.
Гостите од Струмица имаа сила да му пружат отпор на големиот фаворит само во првата четвртина во која имаа негатива од четири поени 27-23. Во втората четвртина гостиварци заиграа далеку подобро и на пауза веќе имаа двоцифрена предност 50-40.
Во вториот дел само ја зголемуваа својата предност за конечен триумф од 102-80. Грузискиот интернационалец Корсантиа со 21 поен беше прво име во таборот на победникот, додека кај поразените Крстајиќ заврши со 16 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
