Најскапиот голман во историјата на фудбалот Кепа Аризабалага направи нова глупост која дефинитивно ја „прели чашата“ во Челси. Тој на вчерашното дерби со Ливерпул кое „сините“ го загубија со 0-2 му поклони гол на Садио Мане.
Френк Лампард е разочаран од игрите на Кепа и поради тоа е решен на „Стемфорд Бриџ“ да го доведе чуварот на мрежата на Рен, Едуард Менди. Менди е број 1 во Рен тим во кој пристигна минатата сезона од редовите на Ремс. За Рен запиша 29 настапи, а со одличните партии поднесе кандидатура за најдобар голман во француската Лига 1.
Иако Челси беше најактивниот клуб во летниот трансфер период и се засили во нападот со неверојатна „плејада“ на млади фудбалери, доколку не го реши проблемот на голманската позиција, очигледно е дека и сезонава нема да биде во игра за освојување на титулата во Премиер-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
