Манчестер Сити денеска има шанса да ја одбрани титулата во Премиерлигата, но за тоа на „граѓаните“ им е потребна победа во натпреварот против Астон Вила или пак кикс на Ливерпул во средбата против Вулверхемптон. Избраниците на Пеп Гвардиола во последото коло од натпреварувањето имаат бод предност и се зависи од нив.
Доколку Манчестер Сити денеска слави титула тоа ќе биде деветтата шампионска титула за Пеп Гвардиола во последните 13 сезони, вклучувајќи ги и оние со Барселона и Баерн Минхен. Интересно од останатите сезони два пати шпанскиот стратег завршуваше на втората позиција, а само еднаш на третата.
„Кога дојдов тука луѓето ми говореа како Премиерлигата е најтешкото првенство во светот. Дека тука различни тимови ја освојуваат титулата и само Манчестер Јунајтед предводен од Алекс Фергусон може да биде шампион толку многу сезони. Јасно е како подвиг тие направија, но гледајте не сега нас. Ние сме блиску до тоа, блиску сме да бидеме дел од таа приказна и мораме да пробаме да влеземе во тој круг“, изјави Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
