Фудбалерите на Манчестер сити и Интер утре во Истанбул ќе го одиграат финалниот натпревар од годинашната сезона во Лигата на шампионите.
Тренерот на „граѓаните“ Пеп Гвардиола вели дека освојувањето на Лигата на шампионите е сон за секој негов фудбалер.
„Дојдовме до ден кој треба да се слави. За навивачите на Манчестер Сити и Интер е ден да се биде среќен и да се слави да се биде тука. Тоа е најважното нешто. Ова е финалето. Лигата на шампионите е неверојатно натпреварување. Тука сме да го поддржиме она што УЕФА го прави на овој турнир. Ќе ја поддржиме играта и ќе се обидеме да се забавуваме. Финалето е апсолутно сон. Но, за да ги постигнете работите, секогаш треба да го имате вистинскиот дел од опсесија и желба. Тоа е позитивен збор за желба и волја за победа. Лигата на шампионите е нашиот сон“, изјави Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
