Дека Ерлинг Халанд е исклучително брз играч не е ништо ново. Ретко кој фудбалер може да го следи и да му се спротистави на одличниот Норвежанец во дресот на Борусија барем кога станува збор за брзината.
Дваесетгодишниот голгетер и вчера ја демонстрираше една од неговите посилни карактеристики. На дуелот против Штутгарт, Халанд достигна брзина од дури 36,04 км на час, што е рекорд оваа сезона во Бундеслигата.
Најдобриот играч на „жолто-црните“ со оваа брзина зад себе ги остави Маркус Турам (35,97 км на час) и Алфонсо Дејвис (35,95 км на час).
Борусија го доби натпреварот со 2-3, а интересно е што Халанд не ја затресе противничката мрежа, туку асистираше за победничкиот гол.
Сепак, статистиката вели дека Халанд сè уште не е ниту „близу“ до Килијан Мбапе, кој пред две години постигна нереална брзина од 38 км на час.
Erling Haaland bateu o recorde de velocidade na temporada da Bundesliga com 36,04 km/h. Um atleta ?♂️? pic.twitter.com/L8iFGWovKF
— BVB DA MASSA ???? (@BvbMassa) April 10, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА