По седмиот неуспех во 14 натпревари оваа сезона во сите натпреварувања, се повеќе се оние кои сметаат дека Ерик тен Хаг е пред отказ во Манчестер јунајтед.
Иако се верува дека добил уверување од сер Џим Ретклиф дека нема да добие отказ, многумина веруваат дека Холанѓанецот е пред заминување.
Изјавата која Тен Хаг ја даде по поразот од Сити и објаснувањето на тактиката која ја избрал, на англиските фудбалски аналитичари им звучеше комично. А, сега е веќе јасно дека ја загубил контролата над соблекувалната. Островските медиуми пренесуваат дека Рашфорд по поразот од Сити истата вечер си излегол во град на забава со пријателите.
Утре Јунајтед го чека четвртото коло од Лига купот со Њукасл, а изненадувачки е тоа што Тен Хаг денеска не ја одржа очекуваната прес-конференција во пресрет на дуелот. Се чини избега од новинарите, токму за да го избегне разговорот за неговиот дефинитивен отказ ако не победи утре против Њукасл.
А, Англичаните веќе почнаа да шпекулираат и со името на неговиот наследник, па веќе се спомнува Зинедин Зидан како прв кандидат, а по него следат Јулијан Нагелсман и Грем Потер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
