Една од најголемите трансфер саги ова лето е заминувањето на Хари Кејн од Тотенхем и негова преселба во Манчестер Сити. Напаѓачот не е задоволен од амбициите на лондонскиот тим и сака да го напушти тимот во потрага по трофеи, а и веќе се опрости од навивачите на крајот на претходната сезона.
Сепак раководстовто на Тотенхем нема намера да го продаде 28-годишникот и покрај богатата понуда на „граѓаните“, а и Кејн во текот на летото се обидуваше да изнуди трансфер на секој начин. Англичанецот подоцна се приклучи на подготовките на клубот со што го пропушти и првиот меч за „петлите“ во новата сезона, но сега е дел од тимот кој денеска од 15 часот ќе се сретне со Вулверхемптон, пренесуваат англиските медиуми.
Сеуште останува непознато дали Кејн ќе биде и во првите единаесетмина, но на девет дена пред крајот на трансфер рокот, се чини дека трансферот од сништата, сепак нема да се оствари.
Tottenham striker Harry Kane has travelled with the squad for Sunday’s match at Wolves https://t.co/Y4tN5idbTl
— Sporttoday365 (@Sporttoday3651) August 22, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
