Поранешниот претседател на Баерн Минхен, Ули Хенес откри интересни детали околу постигнатиот договор меѓу Тотенхем и германскиот тим за потписот на Хари Кејн. Неговите зборови ја потврдуваат информацијата дека првиот човек на Тотенхем Даниел Леви ги уценувал за повеќе пари.
На крајот трансферот, е сепак, финализиран за околу 100 милиони евра. Хенес кажа што се случувало во разговорот меѓу 10 и 11 август.
„На полноќ имавме усмен договор“, рече Хенес и додаде:
„Во 02:05 часот повторно беше доведен договорот во прашање затоа што побараа поголема сума. Тогаш директорот на Баерн Дрисен кажа: „ниту едно евро повеќе“. После тоа поминаа шест часа пред Леви да прифати. Бевме доволно тврдоглави и нашиот авион го чекаше на аеродромот во Лондон. Тука помогна и Кејн кој потоа кажа дека ако не се финализира договорот, тогаш ќе остане во Тотенхем и во 2024 година ќе си оди како слободен играч“, изјави Хенес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
