Неполни две минути на теренот му беа доволни на Ариц Адуриз да блесне на теренот на „Сан Мамеш“, и со неверојатен гол со „ножички“ да ја турне на колена големата Барселона. Искусниот голгетер не ја криеше гордоста за прекрасниот гол, но скромно потенцираше дека тимскиот успех и трите освоени бода се најважни на стартот од новата сезона.
„Ова се работи кои го прават фудбалот прекрасен, го посветувам голот на семејството, на сите оние кои веруваат во мене и ми даваат поддршка. Атмосферата на „Сан Мамеш“ беше неверојатна, среќен сум што им донесов радост на сите наши навивачи. Не е мала работа, Барселона е најдобриот тим во Шпанија, а ние не им дозволивме на каталонците 90 минути да влезат во ритам“ – истакна Адуриз по натпреварот.
What a goal from Aduriz! ???? #LaLiga pic.twitter.com/FzIvoVX8hK
— SoccerMatrix ⚽ (@Soccer_Matrix) August 16, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
