Далас Маверикс ја продолжи агонијата на Лос Анџелес Лејкерс откако синоќа славеше на домашен терен со убедливи 128-110.
Повторно најдобар поединец во таборот на тимот од Тексас беше Лука Дончиќ кој запиша нов трипл-дабл (34 поени, 12 асистенции и 12 скока). Во отсуство на Леброн Џејмс кај Лејкерс, најдобар поединец беше Расел Вестбрук кој натпреварот го заврши со 25 поени, надополнети со осум скока и шест асистенции.
Во дербито на вечерта актуелниот шампион Милвоки Бакс во спектакуларен натпревар славеше на гостувањето кај Филаделфија 76 со 116-118. Јанис Адетокумбо со 40 поени беше прво име во таборот на победникот, додека кај поразените Џејмс Харден заврши со 32 поени.
Во останатите натпревари од синоќешната понуда: Вашингтон – Чикаго 94-107, Бруклин – Детроит 130-123 и ЛА Клиперс – Јута 121-115.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА