Фудбалерот на Милан, контроверзниот Златан Ибрахимовиќ, на свој автентичен начин зборуваше за роденденот на неговиот син, но и за неговата голема желба. Имено, Швеѓанецот потенцираше дека го контактирал Гатузо за да му каже дека тој е идол на малиот Ибрахимовиќ, па дека од него очекува роденденска порака.
Ибра гостуваше во емисијата „Че Темпо че Фа“, што се емитува на „ТВ Раи 1“, преку видео врска, а по тој повод, меѓу другото, зборуваше и за тренерот на Наполи, Џенаро Гатузо.
„Вчера му се јавив на Гатузо за да му испрати на мојот син роденденска честитка, бидејќи тој е неговиот омилен играч. Мојот син го обожава неговиот силен карактер, но и неверојатната доминација што ја покажуваше Џенаро на теренот. Му реков на Гатузо: Ако не ми испратиш видео со кое му го честиташ роденденот на мојот син, јас ќе дојдам во Неапол и ќе мораш да го направиш тоа во живо. Еднаш го ставив со главата во корпа за ѓубре, тој е силен, но сепак заврши во корпа за отпадоци“, рече Ибрахимовиќ низ смеа.
“A Galliani voglio troppo bene, ho un rapporto forte con lui. A due giorni dalla fine del mercato mi ha telefonato e mandato a Parigi. Alla fine è andata bene, ma non ho parlato con lui per qualche mese.”@Ibra_official a #CTCF da @fabfazio pic.twitter.com/QWuiovSJ7t
— Che Tempo Che Fa (@chetempochefa) March 8, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА