Нигерискиот напаѓач Одион Игало вели дека не размислува околу тоа дали и следната сезона ќе го носи дресот на Манчестер Јунајтед, бидејќи во овој момент тоа би било себично.
„Да се говори за такви работи сега би било ужасно себично. Дури и не размислувам за тоа. Се наоѓаме во период во кој главна работа не е фудбалот, туку предизвикот со кој се соочува цел свет. Навистина не можете да го ставате фудбалот пред здравјето. Во овој момент најважно е да се чуваме и да се молиме за тие што се борат со вирусот“, изјави Игало.
Искусниот напаѓач стигна на „Олд Трафорд“ последниот ден од јануарскиот преоден рок на позајмица од кинескиот Шангај Шенхуа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
