Нема одмор за македонските претставници во европските купови на стартот на новата сезона. Успешно завршената работа во првото коло придонесе повторно да судат и да го контролираат судењето. Игор Стојчевски ќе патува за Ерменија каде во Ереван ќе го суди натпреварот во Конференциската лига меѓу Пјуник и унгарскиот Дебрецин. Ќе му помагаат Филип Ицковски и Дарко Јовчевски. Четврти судија ќе биде Бенјамин Ќерими.
Влатко Илиоски во близина, во Литванија е одреден од судиската комисиоја на УЕФА за главен судија на мечот меѓу Жалгирис и Динамо Тбилиси од Грузија. Негови помошници се Куштрим Лика и Даниел Василевски, четврти судија е Александар Василевски. Мечот се игра во Виљнус.
Ќе патуваат и нашите тројца контролори. Александар Ставрев ќе го контролира судењето во Данска меѓу екипите Нордејсленд и ГАИС од Шведска. Дејан Јакимовски отпатува за Молдавија и ќе биде задолжен за судењето на средбата меѓу клубовите Петрокуб и Борац од Бања Лука што се игра во Кишињев.
Во овој дел на Европа ќе биде и контролорот од Македонија Димитар Мечкаровски. Во Казахстан ќе го контролира судењето меѓу клубовите Тобол и Паневезис од Литванија, реванш меч од второто коло на Конференциската лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
