Фудбалерот на Гент, Гифт Орбан со одличните партии оваа сезона го сврте вниманието на големите клубови. Нигериецот сезонава во Белгија има импресивни 19 гола од 19 натпревари, и веќе е на „мета“ на неколку англиски премиерлигаши.
Арсенал во моментов е најконкретен за неговиот ангажман, но Орбан е толку „скромен“ што вели дека не би сакал да игра во Арсенал, туку сака во „поголем клуб“, и покрај тоа што „топчиите“ се далеку поголем тим од неговиот сегашен Гент.
Изјавата која ја даде наиде на изненадување кај многумина, па дури и кај менаџерите, кои се обидуваат да го премислат да не ја испушта оваа шанса.
„Не сакам во Арсенал. Премиерлигата е мојот сон. Манчестер Јунајтед, Манчестер Сити, Ливерпул… Но, Арсенал не г осакам толку. Тоа е затоа што тие не освојуваат титули. Сакам да одам некаде каде што ќе добивам признанија“, изјави Орбан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
