ЕКИПА во Минхен,
Стеван Цаневски
Македонија не беше на потребното ниво во нападот во првото полувреме, кога единствена светла точка ни беше Дејан Манасков.
Точно е, промашуваше, но и тоа се случуваше најмногу поради пасивноста на играчите кои се ротираа на лев бек (Филип Лазаров, Талески и Кузмановски), кои во првите 30 минути не упатија ниту еден единствен шут од својата позиција, туркајќи ја топката кон крилото. Манасков тргнуваше на гол и кога немаше најдобар агол, некогаш погодуваше, некогаш не, но суштински важно е што ја преземаше одговорноста во периодите кога поголемиот дел од соиграчите бегаа од таа обврска.
Знае и Манасков дека може и тој многу подобро, како и поголемиот дел од репрезентативците, па очекуваме Македонија да одигра поквалитетно на следните две средби, против Шпанија и пред се против Исланд, мечот што ќе биде решавачки за пласман во втората рунда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
