Аргентинскиот интернационалец Гонзало Игуаин ќе го напушти Јувентус по завршувањето на сезоната. Раководството на „старата дама“ веќе бара замена за напаѓачката позиција, во преговори е со Аркадиуш Милик од Наполи, а Игуаин пред себе има две опции. Првата е да се врати во родната Аргентина и да заигра за Ривер Плата, а втората да замине во САД и да го облече дресот на ДЦ Јунајтед каде настапува и неговиот брат.
По заминувањето на Златан Ибрахимовиќ и на Вејн Руни, на МЛС – лигата во САД и е потребна нова голема ѕвезда, а Игуаин би бил одлично решение. Сепак, Аргентинецот ќе мора да се откаже од дел од платата која ја има во Јувентус и изнесува 7 милиони евра по сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
