Дебито на Андони Ираола на клупата на Ливерпул донесе победа од 4:2 против Сандерленд во пријателски натпревар, но и прва сериозна причина за загриженост пред почетокот на новата сезона во Премиер лигата. Веќе во осмата минута од средбата во Нешвил се повреди стоперот Џо Гомез, што дополнително ги разоткри проблемите на „црвените“ во последната линија на тимот.
За време на презентацијата, Ираола нагласи дека Ливерпул мора да се засили ова лето, особено на крилните позиции и во одбраната, која ја опиша како „многу слаба“.
Дуелот со Сандерленд покажа колку е сериозен овој проблем. Новото засилување Џереми Жак го пропушти натпреварот како мерка на претпазливост поради закрепнување од повреда на рамото, оставајќи го Гомез како единствен искусен централен бек на располагање. По неговата повреда, тинејџерите Мор Тала Ндијаје и Ифеанџи Ндукве го формираа срцето на одбраната.
Враќањето на капитенот Вирџил ван Дајк наскоро ќе ја стабилизира одбраната до одреден степен, но ниту младиот Жак ниту Џовани Леони засега немаат искуство во Премиер лигата. Ситуацијата е дополнително влошена од заминувањето на Ибрахим Конате во Реал Мадрид, оставајќи го Ливерпул без еден од своите клучни дефанзивци.
„Најлошата вест беше повредата на Џо Гомез. Досега успеавме да избегнеме проблеми со повредите, но сега веднаш загубивме важен играч “, рече Ираола по натпреварот.
Иако клубот вели дека доведувањето на нов стопер не било приоритет дури ни по заминувањето на Конате, останува прашањето дали плановите ќе се променат ако се покаже дека повредата на Гомез е од посериозна природа.
Ливерпул славеше со головите на МОрисон, Собослаи, Киеза и Кумас, додека за Сандерленд славеа Ли Фи и Тутеров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
