Рафаел Хензел, еден од шестмината преживеани во страшната авионска несреќа на Чапекоенсе, почина синоќа од срцев удар играјќи фудбал со пријателите во Чапеко.
Хензел беше новинарот што патуваше со експедицијата на Чапекоенсе на финалето против Атлетико Насионал, останувајќи жив во страшната несреќа во која животот го загуби 71 лице. Тој работеше во радиото „Вест Капитал“, а неколку месеци по несреќата ја објави книгата “Viva como se partida”, во која меѓу другото пишуваше и за катастрофата на Чапекоенсе.
„Со голема жалост ја известуваме јавноста за смртта на новинарот Рафаел Хензел, кој беше длабоко поврзан со нашиот клуб“ – објави Чапекоенсе.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
