Српскиот центар Никола Јокиќ запиша уште една маестрална партија во убедливата победа на Денвер од 133-96 над ЛА Лејкерс.
Јокиќ мечот го заврши со нов „трипл-дабл“ учинок од 17 поени, 12 скока и 13 асистенции. За српскиот центар ова е вкупно 65. „трипл-дабл“ во кариерата (осми сезонава) израмнувајќи се со Џејмс Харден на седмото место на вечната листа. Лидер е Расел Вестбрук кој 193 пати запишал „трипл-дабл“ ефект.
Најефикасен во победничкиот тим беше Руки Бонс Хајленд со 27 поени дополнети и со 10 скока, а Џеф Грин заврши со 26 поени. На спротивната страна кај „езерџиите“, Леброн Џејмс беше најдобар со 25 поени, а Вестбрук запиша 19 поени.
Денвер е шести на табелата во Западната конференција со скор од 22-19, додека Лејкерси се на седмото место со учинок од 21-22 по третиот едноподруго пораз.
Третата победа во последните четири натпревари е помалку изненадувачка за Портланд на гостувањето против Вашингтон од 110-115.
Одличен кај Портланд беше Јусуф Нуркиќ со „дабл-дабл“ од 23 поени и 14 скока, а поефикасен од него кај победниците беше само Симонс со 31 поени, дополнети и со 11 асистенции.
Лука Дончиќ, пак, беше најдобар поединец во победата на Далас над Орландо од 108-92. Дончиќ натпреварот го заврши со 23 поени, дополнети и со девет скока и три асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
