Италијанскиот првак Јувентус се откажа од намерата за купување на Сергеј Милинковиќ – Савиќ и се фокусира на фудбалер на Наполи. Полјакот Пјотр Зиелински треба да биде следниот удар на „старата дама“ за Наполи, по ангажманот на Гонзало Игуаин.
За Зиелински интерес покажува и англискиот премиерлигаш Ливерпул, но раководството на Јувентус е сигурно дека може да го убеди Зиелински да се пресели во Торино. За тоа веќе се подготвени 65 милиони евра. Полскиот интернационалец има клаузула во договорот, и за таа сума може без проблеми да замине во друга средина.
Наполи се обидува да го обнови договорот и да ја зголеми отштетната клаузула, но очигледно дека и Пјотр Зиелински сака да го облече дресот на „старата дама“ од почетокот на следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
