Италијанскиот првак Јувентус и понатаму игра без грешка во Серија А. „Старата дама“ ја оствари шестата победа во исто толку натпревари, а овојпат жртва беше Болоња. Пауло Дибала го отвори резултатот, а Блес Матуиди го постигна вториот гол за тимот на Масимилијано Алегри.
Рома конечно се разбуди и го декласира Фросиноне со 4-0. Ченгис Ундер го постигна првиот погодок во втората минута, а потоа до крајот на првиот дел стрелаа и Хавиер Пасторе и Стефан Ел Шарави. Во финишот и Александар Коларов погоди во целта.
Наполи со 3-0 славеше на домашен терен против Парма. Инсиње прв погоди, а потоа Милик двапати стрелаше во мрежата на Парма.
Горан Пандев беше стрелец на погодок, а Џенова го совлада Киево со 2-0.
Резултати Италија: Рома – Фросиноне 4-0, Аталанта – Торино 0-0, Калјари – Сампдорија 0-0, Џенова – Киево 2-0, Јувентус – Болоња 2-0, Наполи – Парма 3-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА