Јувентус започна преговори со агентот на Пулишиќ

24-годишниот фудбалер на Челси, Кристијан Пулишиќ би можел да ја продолжи кариерата во Јувентус, пренесуваат медиумите во Италија и Англија.

„Калчомеркато“ пренесува дека клубот од Торино започнал преговори со агентот на 24-годишниот американски интернационалец со хрватско потекло, откако дознал дека овој играч е отворен за преселба во нов клуб.

Пулишиќ не е задоволен од статусот во тимот, оваа сезона беше стартер на само шест натпревари во Премиер лигата и два во Лигата на шампионите. Порталот „Трансфермаркт“ ја проценува вредноста на американскиот репрезентативец на 42 милиони евра. Неговиот договор со лондонскиот клуб е до 2024 година.

Пулишиќ дојде во Челси во јануари 2019 година, а неговиот поранешен клуб Борусија Дортмунд доби 58 милиони фунти (околу 64 милиони евра) како обештетување.

Кристијан за репрезентацијата на САД одигра 51 натпревар и постигна 21 гол.

 

 

Се вчитува...