Фенербахче прави значителни промени во составот за наредната сезона, турскиот гигант веќе го доведе Јам Мадар од Партизан, во завршна фаза се и преговорите за бразилскиот репрезентативен плејмејкер Раул Нето, но потежок дел од работата е да е најде начин да се раскине договорот со Ник Калатес.
Грчкиот ветеран има уште една година од актуелниот договор во која треба да заработи 1,5 милиони евра од Фенер и јасно стави до знаење дека нема намера да си замине без соодветна отштета.
„Ако сакате да ме избркате, дајте ми ги парите“, гласела пораката на Калатес до тренерот Итудис и клупската управа, јасно ставајќи до знаење дека конфликтот нема мирно да биде решен.
Искусниот плејмејкер минатата сезона играше по 26 минути во просек за Фенербахче, постигнувајќи по 8 поени, 4,9 асистенции и 4 скокови по натпревар.
Партизан е сериозно заинтересиран за услугите на Калатес, но слично како што беше ситуацијата и со Никола Миротиќ, сите преговори се ставени во мирување се додека грчкиот плејмејкер не постигне договор за раскин на договорот со Фенербахче.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
