По завршување на договорот со ПСЖ долго траеше неизвесноста каде Едисон Кавани ќе ја продолжи својата кариера. Славниот Уругваец беше пред портите на Бенфика, можност беше и бразилскиот Гремио, понуден беше на Реал Мадрид, имаше преговори со Атлетико, а заинтересирани беа и Лидс, Рома и Леверкузен.
На крајот, ги надмина сите очекувања и искусниот напаѓач заврши на Манчестер Јунајтед. И покрај коментарите дека тимот од „Олд Трафорд“ прави ризичен потег со доведувањето на 33-годишниот, Кавани ги исполни очекувањата и ја докажа својата класа.
Уругваецот на посета на Неапол го виде муралот посветен на легендите на овој клуб, каде е во друштво со Диего Марадона, а сега откри и интересен факт од долгата сага, во која не можел да го „издрибла“ својот поранешен клуб.
„Во видов муралот и презадоволен сум. Тоа е уште еден доказ на љубовта на неаполците кој никогаш нема да го заборавам. Емоцијата е дупла кога видов колку на моите деца им се допаѓа муралот. Не можам да ја опишам среќата. Можам само да искажам благодарност на навивачите. Заради тоа го одбив и Јувентус кој често ме бараше и Интер. Не можев да направам таква работа на моите наполитанци“ – изјави Кавани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА