Репрезентацијата на Гана обезбеди пласман во нокаут фазата на Светското првенство благодарение на добрите резултати во групата, но и покрај поразот од Хрватска во Филаделфија, местото меѓу 32 најдобри селекции не беше доведено во прашање.
Ганците претходно ја победија Панама и ремизираа со Англија, што им беше доволно да се пласираат како една од најдобро рангираните третопласирани репрезентации. Во осминафиналето ќе се соочат со Колумбија, победникот од групата К.
Сепак, по поразот од Хрватска со 2-1, селекторот Карлос Кеирош не сакаше да зборува само за следниот противник, туку отвори и поширока тема поврзана со иднината на Светското првенство и новиот формат на натпреварувањето.
Ова е прво Светско првенство во историјата на кое учествуваат 48 репрезентации, а Кеирош смета дека таквата одлука на ФИФА го поткопа квалитетот и ексклузивноста на натпреварувањето.
„Вредноста на нештото доаѓа од неговата реткост. Ако толку многу национални тимови можат да се квалификуваат за Светското првенство, тогаш тоа губи дел од својата уникатност. Кога квалификацијата ќе им стане достапна на голем број тимови, се поставува прашањето колку тој успех е сè уште вреден. Ова е, секако, мое лично мислење“, рече Кеирош.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
