Кикс на Јунајтед, но кикс и на Вест Хем во трката за Лига Европа, Лидс опстана во Премиерлигата

Последното коло од Премиерлигата ни го донесе и конечниот изглед на табелата и тимовите кои ќе патуваат во европските натпреварувања следната сезона, но оние тимови кои повторно ќе се натпреваруваат во најсилната англиска лига.

Место во лигата на шампионите изборија: Манчестер Сити, Ливерпул, Челси и Тотенхем, во Лига Европа ќе играат Арсенал и Манчестер Јунајтед, додека во Конференциската лига ќе се натпреварува Вест Хем.

Во Чемпионшипот ќе се преселат Норвич, Вотфорд и Барнли кој имаше шанси на последниот ден да го задржи своето место во Премиерлигата, но не успеа во намерите.

---

Тотенхем го потврди пласманот во Лигата на Шампионите следната сезона со убедлива победа од 0-5 против Норвич. Голедата ја започна Кулушевски, а Швеѓанецот со македонско потекло стрелаше и во второ полувреме Истата ја дополнија Кејн и Сон кој стрелаше два пати.

До убедлива победа стигна и Арсенал кој го доби Евертон со 5-1. Мартинели и Нкетија први ја затресоа мрежата, а откако Ван де Бек ја преполови негативата Седрик, Габриел и Одегард ги доведоа „топџиите“ во ново високо водство.

Челси славеше со 2-1 на домашен терен против Вотфорд во натпревар без резултатско значење. Хавертз ги доведе „сините“ во водство, а откако Гослинг изедначи на 1-1, Баркли со гол во судиското продолжение донесе три бода за тимот од Лондон.

Манчестер Јунајтед и покај поразот од 1-0 на гостувањето кај Кристал Палас ја задржа позицијата која води во Лига Европа со оглед на тоа што гостински пораз забележа и Вест Хем кој со 3-1 загуби од Брајтон.

До победа од 4-1 стигна и Лестер кој на домашен терен беше сигурен против Саутемптон. За „лисиците“ стрелаа Мадисон, Варди и два пати Перез, додека Ворд-Праус ја одбрани честа на гостите.

Њукасл стави крај на премиерлигашката епоха на Барнли откако славеше со 1-2 на гостински терен, додека со победата од 1-2 на гостувањето кај Брентфорд, Лидс го задржа премиерлигашкиот статус.