Кире Лазаров и Нант имаа успешен старт на новата сезона во француското првенство, откако во првото коло рутински славеа на домашен терен против Данкерк со резултат 29-24.
Тимот на македонскиот капитен уште во првото полувреме го контролираше резултатот, на одмор замина со предност од 14-11, по што Нант рутински ги одигра преостанатите 30 минути за очекувана победа и први бодови на прволигашката табела.
Лазаров немаше свој ден кога станува збор за ефикасноста, Македонецот постигна скромни два гола од вкупно шест обиди (2/3 во првото, 0/3 во второто полувреме). Најдобри поединци во таборот на Нант беа Ривера со девет и Турнат со пет погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
