Кире Николовски имаше одлично деби за Работнички во триумфот над МЗТ Скопје, а репрезентативниот центар неполн час по завршувањето на дербито повторно се појави на теренот во СЦ „Јане Сандански“, овојпат како член на Карпош соколи.
Имено, „соколите“ вечерва го играат последниот меч од Еврокупот на ФИБА, на домашен терен против Фалко, а откако речиси сите првотимци си заминаа поради финансиската криза, македонскиот вицешампион настапува со седум младинци.
За да биде пополнета бројката на играчи на помош дојдоа Николовски и Стојан Ѓуроски, кои не влегуваат во игра, туку од клупата ги бодрат младите играчи на Карпош соколи во нивната европска премиера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
