Јирген Клоп нема да дозволи заминување на Дивичок Ориџи од Ливерпул оваа зима, пренесуваат англиските медиуми. Причината за тоа се настапите на Мо Салах и Садио Мане на Афричкиот Куп на Нации во јануари и почетокот на февруари кога „црвените“ ќе останат без клучните напаѓачи за важни дуели.
Белгискиот репрезентативец е „шеста опција“ во нападот на Ливерпул оваа сезона зад Салах, Мане, Жота, Фирмино и Минамино и сеуште чека да се најде во почетниот состав во англиското првенство каде одигра само 16 минути на 12. натпревари па јасна е неговата желба за промена на средината.
Интерес за услугите на Ориџи изразија неколку германски и англиски клубови. Еден од нив е и Њукасл кој по доаѓањето на саудиските газди цели кон составување на конкурентен тим за атак на Премиерлигата, а во голгетерот на Ливерпул гледа решение во нападот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА