Менаџерот на Ливерпул, Јирген Клоп, со право беше разочаран по новото катастрофално издание на неговиот тим, поразот од 3-0 на гостувањето против Вулверхемптон.
„Црвените“ сега се со само еден освоен бод по првите четири одиграни премиерлигашки средби во новата година, во меѓувреме беа елиминирани и од ФА Купот на Англија, па се поочигледно станува дека Клоп е без решение за кризата во која тоне неговиот клуб.
„Ова беше ужасно, начинот на кој го почнавме натпревар, просто немам зборови. Сето она што го зборувавме и договаравме, во првите десетина минути одигравме спротивно на тоа. Вулверхемптон ја казни таквата наша игра и потоа беше ужасно тешко. Се извинувам што изгледавме толку лошо на почетокот. Потоа бевме подобри, на стартот од второто полувреме дури и одлични, но за жал не постигнавме гол, примивме уште еден од контранапад и тоа беше крај на приказната. Тој нивни трети гол не го ни бројам бидејќи за првпат излегоа од сопствената половина и веднаш погодија. Беше разочарувачки, но тоа е тоа“, изјави Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
