Сега веќе е и официјално, новата сезона во НБА-лигата ќе стартува на 22 декември, откако беше постигнат целосен договор меѓу раководството на лигата и Здружението на кошаркари. Ова се клучните датуми и бројки поврзани со новата сезона.
18 ноември – НБА-драфтот ќе се одржи за осум дена од денеска. Поради пандемијата од Covid-19, изборот на нови кошаркари ќе биде „онлајн“.
20 ноември – Отворање на „пазарот“ за трансфери. Беше најавено дека ќе биде отворен непосредно по драфтот и тоа се реализираше. Достапни се бројни врвни имиња, па за очекување е наскоро да проследиме неколку „бомби“ на НБА-маркетот.
109,1 милиони долари – износ на селари-капот за новата сезона, идентична сума како и лани.
132,6 милиони долари – износ за кој е одреден „данок на луксуз“.
1 декември – почеток на тренинг-камповите.
22 декември – СТАРТ НА СЕЗОНАТА. Челниците на НБА инсистираа на почеток пред Божиќ, со што е предвидено да се заштеди околу една милијарда долари.
72 – број на натпревари во регуларниот дел од сезоната, намален за шампионатот да заврши пред ОИ.
29 јуни – почеток на предолимписките квалификации. Пласман на ОИ имаат обезбедно САД, Шпанија, Аргентина, Австралија, Франција, Иран и Нигерија. Сепак, огромни се шансите дека во предолимписките квалификации ќе ги нема Дончиќ, Јокиќ, Адетокумбо, Сабонис… доколку нивните тимови ги минат првите рунди од плејофот.
22 јули – Датум за евентуална мајсторка во големото финале, доколку мора да се играат седум натпревари.
23 јули – Почеток на Олимписките Игри во Токио . Кошаркаскиот турнир на ОИ ќе се одржи од 25 јули до 7 август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
