Најдобриот ракометар на Кил, Сандер Сагосен, заработи тешка повреда на денешниот дуел со Хамбург и речиси сигурно ќе го пропушти претстојниот фајналфор турнир од Лигата на Шампионите што е закажан за две седмици во Келн.
Норвешкиот бек влезе во дуел со противничките дефанзивци, но многу лошо доскокна, по што веднаш стана јасно дека повредата е многу сериозна.
Тој веднаш беше испратен на лекарски прегледи во клиниката во Кил, а во текот на денот се очекуваат и првите информации околу сериозноста на повредата. Во секој случај, шансите Сагосен да се опорави за настап во „Ланксес арена“ во Келн се сведени на теорија.
Ова е втор огромен проблем за тренерот Јиха, кој неодамна остана и без германскиот репрезентативец Пекелер, кој заработи тешка повреда на тетивата и го очекува повеќемесечна пауза од терените.
🚨Warning. Ugly pictures🚨
Nightmare news for THW Kiel? Sander Sagosen just suffered what looked like a severe injury just before the EHF Champions League Final4. He has left the arena.
🎥: TV3 Sport#handball pic.twitter.com/S8RpvULOyy— Rasmus Boysen (@RasmusBoysen92) June 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
