Новиот тренер на Борусија Дортмунд, Нико Ковач ги одработи првите пет дена како тренер на „милионерите“. Неговиот тим во сабота ќе го дочека на домашен терен Штутгарт, и посакува неговите играчи да создаваат повеќе шанси за гол.
Тој кажа дека е одлично примен од екипата, и изрази надеж дека тимот сега е посилен со новите имиња кои дојдоа зимава во екипата.
„Оваа прва надела беше многу интензивна. Моравме прво да се запознаеме, многу нови лица. Борусија Дортмунд е голем клуб. Многу добро сум примен, атмосферата е одлична и сакаме да го задржиме тоа чувство и во следните неколку недели“, изјави Ковач, кој во сабота нема да смета на Шлотербек и на Нмеча.
Прашан за новите засилувања Даниел Свенсон и Карни Чуквуемека, тој одговори дека со нив тимот ќе биде посилен.
„Со Свенсон и Чуквуемека добивме играчи кои ќе го комплетираат составот. Ќе имаме силни први 11 играчи и ќе имаме силна клупа“, изјави Ковач.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
