Фудбалерот на Бенфика, Николас Отаменди синоќа доживеал невиден хорор во својот дом во Лисабон, откако дошле неочекувани гости со цел преку ноќ да се збогатат.
Четворица маскирани и вооружени напаѓачи провалиле во неговиот дом. Го врзале фудбалерот со колан околу вратот за да соработува. Во домот биле присутни и неговата сопруга и синот. Крадците си заминале со пари и накит, меѓу кои и скапоцени часовници.
За среќа Отаменди и неговото семејство минале без повреди. Полицијата работи на расветлување на случајот, а од Бенфика го потврдија инцидентот, но напоменаа дека семејството Отаменди е добро, освен претрпениот шок и страв.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА