Челси се соочува со неочекувани проблеми откако откако преговорите за продолжување на договорите со стоперската линијата не се одвиваат во посакувано темпо. Договорите на Антонио Рудигер и Андреас Кристенсен истекуваат на крајот на сезоната, а фудбалерите бараат преголеми примања кои „сините“ не можат да ги исполнат.
Преговорите кои започнаа со Данецот уште во август до ден денеска не вродија плод. Понудата од Челси е 140 ијади фунти неделно, но агентите на 25-годишникот не прифаќаат нивниот клиент да продолжи да биде еден од најмалку платените играчи во почетниот состав.
На оваа тема говореше и самиот Кристенсен кој вели дека и покрај тоа што сака да остане во Челси, не знае каде ќе ја продолжи кариерата.
„Искрено не размислувам многу за новиот договор. Знам дека тренерите ме ценат и среќен сум поради тоа. Каде ќе играм следната година не знам. Би сакам тоа да биде Челси, но не прашувам само јас. Знам дека сакаат да ме задржат и сеуште разговараме. Најважно во моментот ми е што уживам во фудбалот и имам тренер кој верува во мене“, изјави Данецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА