Македонскиот прволигаш Шкупи, кој во баражот со Новаци, успеа да обезбеди опстанок во елитата, почна да се засилува во пресрет на новата сезона. Ново име во тимот од Чаир е Кристијан Стојкоски, досегашниот фудбалер на Македонија ЃП. Тој потпиша едногодишен договор со Шкупи, со опција за продолжување на уште една дополнителна сезона, доколку и двете страни бидат задоволни од првичната соработка.
„Шкупи е клуб во кој би сакал да игра секој млад фудбалер. Сакам да се заблагодарам на раководството што ми даде шанса и ме ангажираше“, изјави Кристијан Стојкоски за официјалниот сајт на својот нов клуб.
Тој минатата сезона одигра 34 натпревари за Македонија ЃП и постигна три гола.
Шкупи утре ќе ги почне подготовките за новата сезона, а тренерот Ардијан Нухиу првата прозивка ја закажа за 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
