Некар Левен по ремито со Барселона денеска ја забележа првата победа во новата сезона од Лигата на шампионите, славејќи на домашен терен над Висла Плоцк со резултат 31-27.
„Лавовите“ во првото полувреме се мачеа да го скршат отпорот на полскиот вицепрвак, на одмор се замина со израмнети 13-13, за потоа во вториот дел тимот на нашиот Филип Талески да додаде гас, многу полесно да го наоѓа патот до мрежата на противникот и заслужено да стигне до цел плен.
Талески не постигна ниту еден погодок, а најефикасни кај Некар Левен беа Толбринг и Баена со по шест гола. Дашек беше најдобар стрелец на Висла со шест погодоци од седум обиди кон противничкиот гол.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА