Кире Лазаров одигра неочекувано мал дел од натпреварот меѓу Вардар и Нант, но македонскиот капитен не е загрижен од малата минутажа што ја добива на стартот од оваа сезона. Откако тренерот на Нант на прес-конференцијата истакна дека Лазаров е се уште во фаза на адаптација, истото по мечот во изјава за македонските медиуми го потврди и самиот Кире.
„Како нов член нормално е да ми биде потребно време за адаптација на системот на игра. За почеток имам проблеми и со јазикот, но убеден сум дека ќе добивам се поголема минутажа како што ќе минува сезоната“ – воопшто не е загрижен македонскиот „бомбардер“.
Тој им ја честиташе победата на „вардарци“, потенцирајќи дека е заслужена поради поголемото искуство што Вардар го има од играње на вакви натпревари.
„Одигравме квалитетно и машки, но во клучните моменти ракометарите на Вардар беа поприсебни. За нас ова е прва сезона во елитните групи од Лигата на шампионите, воедно и прв пораз од стартот на сезонава, така што севкупно гледано мораме да бидеме задоволни“ – истакнува Кире Лазаров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
