Ракометните репрезентативци на Македонија се подготвуваат со своите екипи ширум Европа, а Кире Лазаров и Жарко Пешевски се сретнаа еден против друг во рамките од „Шпаркасен Купот“ што се одржува во Германија.
Сосема очекувано, Лазаров и Нант доминираа во однос на ракометарите на Штутгарт, на крајот убедливо триумфирајќи со 34-21. Тимот на Пешевски парираше до пред крајот на полувремето, на одмор се замина со резултат 14-10, за во вториот дел Нант уште повеќе да ја зголеми предноста и на крајот да триумфира со двоцифрена позитива.
Кире Лазаров го заврши натпреварот со два постигнати погодоци, додека на спротивната страна Пешевски трипати се запиша меѓу стрелците на оваа средба.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
