ЛА Лејкерс загуби синоќа од Мемфис со 108-95 во еден од трите натпревари од НБА лигата, во натпревар кој, сепак, мина со уште еден рекорд на Леброн Џејмс.
Леброн со 20 поени, 10 скока и 11 асистенции стана само петтиот кошаркар во историјата со 100 „трипл-даблови“, по соиграчот Расел Вестбрук, Џејсон Кид, Меџик Џонсон и Оскар Робертсон.
Мемфис, пак, до триумфот дојде предводен од Џарен Џексон со 25 поени, додека кај ЛА Лејкерс, Ентони Дејвис запиша 22 поени.
The 100 Triple-Double Club:
Russell Westbrook
Oscar Robertson
Magic Johnson
Jason KiddAnd now, LeBron James. pic.twitter.com/KdmTHdZ7Fb
— StatMuse (@statmuse) December 10, 2021
Хрватот Бојан Богдановиќ постигна 14 поени и и помогна на Јута да дојде до шестата едноподруго победа, што е втора најдобра актуелна низа во лигата.
Јута во Филаделфија славеше со 96-118, предводена од Донован Мичел со 22 поени и Руди Гоберт со 17 поени и 21 скок.
Никола Јокиќ го запиша, пак, деветиот трипл-дабл сезонава, втор едноподруго и 62. во кариерата. Но ниту тоа не беше доволно ослабениот Денвер да го избегне поразот од Сан Антонио од 123-111. Спарси до победата беа предводени од Дерик Вајт со 23 поени и Лони Вокер со 21 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА