Како една од најголемите ѕвезди на СП 2014 во Бразил се издвои младиот Колумбиец Хамес Родригез, најдобар стрелец на Мундијалот и сопственикот на најубавиот погодок на турнирот.
Беше надоаѓачка ѕвезда поради што следеше трансферот за 70 милиони евра во Реал Мадрид. Но, воопшто не ја оправда довербата, па Зинедин Зидан го отпиша уште во својот прв манда, беше испратен на позајмица во Баерн Минхен, и сега повторно е во Мадрид но неговата иднина повторно е под знак прашање.
„Дечкото не е фокусиран. Место да се подготвува за фудбалот да мисли на новата сезона, за него секогаш е поважно да оди по салоните и да ги средува своите веѓи и косата, и тоа во време кога треба да тренира. Големите клубови како Реал Мадрид очекуваат професионализам, подготвени фудбалери. Но, ова момче има проблем со главата“ – вели поранешниот лекар во колумбиската репрезентација, Хектор Фабио Круз.
Hector Fabio Cruz (Former Colombian NT doctor) on James Rodriguez:
“The boy isn’t focused. Instead of working for the new season he went to fix his eyebrows and his hair while he should have been working.”
[Marca] pic.twitter.com/TZP5XSdPBd
— Bavarian Tweets (@BavarianTweets) August 28, 2019
Хектор тврди дека тој никогаш повеќе нема да биде класа фудбалер…
„Уште поодамна кажав дека нема да биде ништо затоа што го гледав неговото однесување. Погледнете го Кристијано Роналдо. Зеде само една недела одмор, го однесе семејството во Грција и потоа веднаш се врати заедно со 15 лица да се подготвува за новата сезона. А, Хамес замина од Светското првенство повреден, и и покрај тоа што сите му кажувавме дека ќе мора повредата да биде санирана за да биде подготвен за сезоната, тој си зеде приватен авион и замина повеќе од три недели да ужива на плажа. Затоа нема да биде тоа што сите очекуваа од него“ – вели Фабио Круз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
